انا الشعب الحيران
بين واحد ليبرالى وواحد اخوان
.jpg)
لو قلت اخوانى يقولوا عليا تاجر دين وان قلت حداثه وليبرالى اتكفرت من التانيين
أصدق مين وأبايع مين؟!
عايز أختار من غير ما اتهان
د انا الشعب أساس الدوله
مين عايزيين ياخدزها مقاوله؟!
تسقط ..تسقط أى محاولهد انا الثوره ف عين كل الازمان
أنا لبلادى دايما حالف
عهدى معاها عمرى ما اخالف
انا باسمى الحاكم سالف
هو بيمشى وانا بندان
انا اللى بنيت بإيديا هرمها
ودفنت ف جواه م الفراعين أعظمهاانا الناطق بكلامها
وانا الصمت ف بعض الاحيان
انا الحارس عالحراس
واللى بأرخ ف الكراس
مين ينصان ومين ينداس
مين مطرود ومين متقابل بالاحضان
.jpg)
انا مواردها البشريهالعلنيه والسريه
انا اللى هديتها الحريه
يوم ما ضربت الظلم بايدى عالسندان
انا اللى بَحَكِّم ظالم وبرئ
انا اللى بصنف جيد وردئ
انا اللى بصوت ف الصناديق
والاخر بارجع ندمان
انا خيوط الحزن السودهواوتار الفرح المشدوده
انا غناويها واذكارها المنشوده
انا اللى ف حضن واديها بالليل وَنسان
الشرفا ف عيون الناس مراتبهم راقيه
والخونه بينداسوا وقت ما بتدور الساقيه
الكل هيمشى ومصر الباقيه
دى ف عز خريفها ما بتنفضش ورقها الاغصان
وانا ف عز ربيع الثوره لسه حيران
بين واحد ليبرالى وواحد اخوان
أيمن حمدى
No comments:
Post a Comment