اغار عليكى

اغار من عينيكى عليكى

حتى وان نامت بين جفنيكى

اغار الهوى على اطرافك البراقه

اغار عليكى من سراقة القلوب فكلهم حماقه

انتى لى انا اقولها بمنتهى الصراحه

ومن يهواكى غيرى سينال منى قسطا من القباحه

فانا فى العشق متطرف

وعفريت حبك فى قلبى لا يجد من يصرف

قلبك النابض بالحياة اسير عشقى
وحبك الهامى ونسيج فكرى
وفى احضانك الدافئة القى قصائد شعرى
كحنو الام حين تحنو الى
اود ان اقبل عليكى ولكن حين اراكى لا اجد قدمى
قلبى دائما يرسو فى موانيكى
تاركا وراءه دنيا ..فشبابى انا بيكى
يا عزيزة النفس يا اسطورة الشرفاء
كم لاجلك ملئت دواوين الشعراء
انتى سفيرة للقلوب البريئه
فى بلاد الباحثين عن المراه الجريئه
دعيهم انتى واشرقى فى سمائى

فالحسن عندك والعشق دائى

فرحان بثورتى

فرحان وفرحتى تملى كل الاكوان

فرحان بعودة مصريتى بعد ايام الهوان

فرحان بوطنيتى لمصر ام الاوطان

د الربيع من فرحته زهر وروده قبل الاوان باوان
والنخل طالع للسما يشكر ربنا المنان
الثوره ثورة شعب عايز يعيش بامان
الطفل شال العلم والام داوت ولادها من الالم
مخلاص الحر اللى جوانا انتصر على كل حاكم ظلم
بادينا نبنى ونعلى بكل بنيان اتهدم
قوم بينا يلا ياعمى نشكر ربنا ونصلى
دى مصر بتقولنا انا مش مصدقه اللى حصلى
والحريه بتقول مين فيكوا زى المصرى يقدر يحصلنى
وعشان كده انا فرحان ولون فرحتى غطى على كل الوان السعاده
المصرى هنا بيكتب حضارة اقدم شعوب كالعاده
المصرى فى اوراقه بيسيب كلام كله حكم وافاده
سيبونى افرح وابتسم
ده العمر اللى جاى بادينا بيترسم
ده اللقمه تكفينا وبالعدل بينا هتتقسم
سيبونى افرح ده الحزن قدامى خلاص ابتسم
المصرى الجديد ابو النزاهه واقف بيحلف قسم
يشيل البلاد فى عنيه..والطفل الصغير يعلمه الوطنيه وياخد باديه

لا رشوه ولا محسوبيه كلام وكلنا اتفقنا عليه

والكل لازم يشتغل ومحدش يقول انا الكبير انا بيه

سيبونى انا فرحان بثورتى

ده العدل والحريه هما دول ثروتى

ورايات النصر هى دى رايات دولتى

 

سلام ليكى يا مصر وسلام لشباب امتى

الحراس خلاص اتسلسلوا

الحراس خلاص اتسلسلوا

يا حبيبتى يلا اتكلمى وقولى اللى فى نفسك وارسمى

من ساعة مبعتيلى الحمام بالورق

وشفت فيهم دمعتك على عمرك اللى اتسرق
انا قلت مبقاش حبيبك ان مرجعتلك حريتك
والعسكر اجبهم يبوسوا تراب جزمتك
وعلم الحريه اخليه يرفرف على كل نقطه ف قمتك
قلوب ضعيفه كانت متسلسله بضفاير حديد
اول متيجى الحريه تدخل قلبها
تلاقى العسكرى واقف اوام بسلاحه الخسيس يقطم وسطها
خرجت فى الفجر اللى كان مستنينى ومستنيه وف لحظه كان
بركان كبير م الغضب فى اكبر ميدان
ثاير وفاير م اللى شفته سنين زمان
نازل بقول حرروها....خلاص بقى يا ناس ارحموها
يلا ارحلوا سنين طويله تساومونا وشويه تساوموها
سنين طويله بتسرقوا واناشيد النزاهه فى ودانا بتزيعوها
من اجل اولادك شعارات كدابه اوعوا تانى تكرروها
خلاص عرفنا الحقيقه المموهه با غصان الشجر
شفتوا الغفر ؟! مش طلعوا شوية بلطجيه من الغجر
والملايين بيهربوها والشعب من الجوع رابط على بطنه الحجر

ياحبيبتى انتى اللى لازم تحكمى

العدل من طبعك انتى ما تظلمى

ومتزعليش يا حبيبتى لو مرجعش الحمام

هتلقيه فى الجنه بيرفرف بعد ما صاده كلب النظام

ويارب اشوف للحق انتصار ,تتقدمى وتبقى دايما فى الامام

وللخير والعدل والحريه تبقى انتى ايدك عالزمام