وها تلى الفلاحين الطيبين اللى حاسين جرحى ومرارى
هاتلى فلاحه حره عالظلم ما تقدر تدارى
هاتلى ريحة طمى نيلى السارح فى كل الحوارى
وهاتلى زريعة امل تمحى سواد ازهارى
طير يا نسر علمى عالقناه
وهاتلى رجاله صدوا زحف الغزاهرجاله واعيه مصحصحه لكل الطغاه
رجاله مستأسده فى حب مصر الفتاه
رجاله من نبع الاصاله هم دول طوق النجاه
طير يا نسر علمى عالفنار
وهاتلى اسكندرانى يحبنى ويخاف عليا من ضى النهار
حبوب قوى ووقت الزعل يشعلها نار
جرئ وقت الخطر قادر ياخد قراريرفعلى راسى فى السما حتى فى وقت الانكسار
طير يا نسر علمى عالجنوب
وهاتلى طيبه من بلاد النوبه تداوى القلوب
وهاتلى طيبه وعشم منهم يمسح ذنوب
وهاتلى بنوته سمرا حنينه تغزلى توب
وتهون عليا المشاوير وتقولى فاضل عالنهايه خطوه يادوبطير يا نسر علمى فوق الميدان
ولادى جنبى لبوا ندايا ..حسيت بالامان
ثاروا وقالوا (ارحل) رحل الفساد من وسط الكيان
شكرا يا نسر وارجع من تانى على علمى نسر نسر بس عالعدوان
ايمن حمدى
No comments:
Post a Comment