ياللى عليت فى السما وحرقت نجمة اسرائيليسلم دراعك بطل مصراوى عربى اصيل
فارس من غير جيوش ولا خيل
نفدت من وسطنا وكنت لينا دليل
مشيت على ارضها وشربت مية نيل
وكلت من خيرها وحفظت كل جميلكلك حماس ومرؤه حالك ده حال الجيل
كاره كيان صهيون قدامه واقف صلب مبيتحنيش ويميل
حالف للوطن قسم قادر للمسؤليه يشيل
يانجم عالى ضوى ف سواد الليل
العدو عدى حدوده وفاض منه الكيل
ونقض السلام وخلى دم يسيل
واحنا جاهزين لهم وشدين الاذر والحيلقال ايه بيتاسفوا بعد ما قتلوا القتيل
احنا كمان نقتلهم ونبعتلهم على قبرهم من الورود اكاليل
العدو هيفضل عدو ولو قلتولى فى سلام وجبتولى الف دليل
واحنا كمان احرار محناش شعب ذليل
ودمنا غالى وبنورثه جيل ورا جيل
يسلم دراعك بطل مصراوى عربى اصيل
كلمات جميلة في حق انسان جميل .. كلنا غمرتنا السعادة عندما تسلق البطل احمد الشحات عمارة السفارة ،، شيء بيرفع الراس فعلا
ReplyDeleteاستمتعت بكلماتك الجميلة
دمت بخير
اشكرك جدا عل تعليق حضرتك واتمنى ان تشرفينى دائما بالتعليق.
ReplyDeleteواتمنى ان اكون دائما عند حسن ظنكم