اعز الصحاب الخاين

مين بعدك يا صاحبى يمسح دموعى

كنت ليك مسلم ورميلك تحت اقدامك خضوعى

خنتنى والخيانه بتكسر ضلوعى

كنت شايفك فى المرايا انا

سنين بنبنى الصداقه وفى الاخر انت هديت البنا

كنت صاحبى بجد وتشهد عليا ايام السنه

الحلم كنا بنحلمه ونقعد مع بعضنا نضحك ونفسره

الحلم ده بيقولك عندك صديق اوعاك تخسره

وفى الاخر شفتك كابوس للحلم واقف تكسره

اعز الصحاب الخاين.....اعز الصحاب الخاين

كنت ليه السند ..كان لى الجدار المايل

كان فى النفاق استاذ وبقى فى الخيانه هايل

انا احب الصديق الوفى,المحترم الزين

مش الجاحد قليل الاصل ابو وشين

دنا قلبى لو يوم م الصحاب يتعكر

ولرد الخيانه الاقيه عايز ينتقم ويحاول يفكر

اوام اقفل باب الانتقام وبمية ترباس عليه اسكر

وافتحله باب الذكريات الحلوه اللى لحياته تسكر

مش قالوا ان المحب ميعرفش فى حياته يكره

وانا قلبى حب كتير ومفتكرش فى صفحته كتبت كلمة اكره