اه يا وطن..اه يا وطن.. اه يا وطن

اه يا وطن ..اه يا وطن..اه يا وطن
فى حبك دهرى اتقطم بس لسه صوتى عالى ما اتكتم
فى حبك طفل رضيع ما عمروش اتفطم
اه يا وطن..اه ياوطن..اه يا وطن
الجرح فاير والدمع سايل والدهر مايل
لو يسيبوا القلب يتكلم هيقول قوايل
ده القلب منك بالالام والعشق شايل
متهمنيش الالام فى حبك مدام  هنعدل كل مايل
اه يا وطن..اه يا وطن..اه يا وطن
على حبك اسرونى,حبسونى وعذبونى
لعبوا عالمشاعر وحاولوا يجمدونى
وانا دمى حامى يا وطن من حر شمسك.عمرهم ما هيسكتونى
وان نجحوا مره وسكنونى
مسكناتهم عمرها قصير
وانا لسه فى حب الوطن تلميذ لكنى مش صغير
بكره اللى جرح الوطن يتقيد بكره الزمن يتغير
اه يا وطن..اه يا وطن..اه يا وطن
انا اللى واقف على حدودك
حارس رملك,بعد نخلك وتمرك.منا خيرى من جودك
واصلى من اصلك وجدودى من جدودك
مسيرك ترجع فوق فى العلالى صلب شديد عودك
اه يا وطن..اه يا وطن..اه ياوطن
انا اللى بزرع فى اراضيك الخير واقلع جدور الشر
عشانك يهون برد الشتا وكل موسم حر
اوعاك تزعل يا وطن وتقول زمن الرجال عدى ومر
دحنا احفاد ولادك اللى العدو منهم ولى وفر
اه يا وطن..اه يا وطن..اه يا وطن
اناا اللى اتهنت على ارضك
وياريت الاهانه كانت من عدو محتل
الاهانه كانت من عسكرى نظامى لكن مختل
مستغل لسلطته وكان لازم يتزل
ده اللى يخون عهد الوطن قيمته اوام تتقل
اه يا وطن..اه يا وطن..اه يا وطن
انا اللى واقف على خط الخطر
حواليا عقول متحزبه بيلاعبونى على مية وتر
واعلامنا المحايد عالحق حايد ميزعش غير اللى من الكبير اتمضى واتسطر
عشان كده خلونى اجرى على القناه البعيده اللى ف قطر
يمكن اهتدى للحقيقه اللى اعلامنا عليها غطى وستر
اه يا وطن..اه يا وطن..اه يا وطن
طول ما قلبى بينبض انا ليك
انا اللى حافظ اناشيدك
انا اللى بمجد اساميك
ابيع الدنيا دى بكل اللى فيها واشتريك
اه يا وطن..اه يا وطن..اه يا وطن

اهداء الى الرئيس المخلوع

يا من وصلت بالطيران الى اعالى القمم
قائد كبير وقت الحروب شجاعا يرى فيك العزم والهمم
تاريخ عسكرى لا ينكره الا من اصيب بالعمى والصمم
ولكن العبره  بالنهايه ونهايتك الخطايا التى شاهدتها الشعوب والامم
كنت لى مثلا عاليا فى العزة والكرامه
كنت اراك فى الصغر زعيما طيب القلب وعلى المخطئين شديد الصرامه
خاب فيك ظنى بعد ان كبر العقل وادرك حقيقة من امامه
هو الزعيم الذى خان الشعب هو ونظامه
حلمت فى الصغر ان اكون رئيسا للاصلاح فعالا
وحينما رأيت فى الخلف خليفتك قلت قد اصبح الحلم محالا
انه الخليفه الذى يتاجر بديوننا ليربح من وراءنا اموالا
وكيف يكون الخليفة لصا بالجرائم مدانا ً
وهو بسلطة الحاكم مسنودا,مؤيداً ومعاناً
ولاغير الشعب قحطانا,ذليلا ومهاناً
دخلت فى السياسه زعيما بعد الرئيس المغتال
توسم الشعب فيك خيرا واراد منك تحقيق المنال
وكأن منالنا هذا درباً من الخيال
الحريه,المساواه والعداله الاجتماعيه سمعناها منك سردا كما الموال
فانظر الى الواقع تجد الحقيقه التى تجيبك على اى سؤال
شهد التاريخ لناصر بتوحيد الامه ومحاربة العدوان
وشهد لك بالتقرب للصهاينه والخضوع للامريكان
من حزن لخروجك غيرهم؟!من اهداك اكاليل الشكر والعرفان؟!
ماذا بعد ان تركت الشعب للحرية مشتاقاً وظمآن
اما آن أن تعترف بأخطاءك؟!كفاك تكبراً ونكران
يا من ظلمت الشعب بحكمك

وأخفيت ثروات البلاد وآثرت السلطة لنفسك
قد حان وقت الحساب ولا مجال للؤمك
فالملك لله وحده ولا مجال اليوم لملكك

علشانّا يا مصر

 علشانّا يا مصر صبرتى على  صب المر ف اوانيكى
وعالظلم صابره وبسواده بتكحلى رموش عنيكى
وبدم الشهيد ولدك حنيتى شعراتك وكفوف ايديكى
صابره ومحتسبه يا جمعانا حواليكى
الدنيا بتدور والظلمه دوخوكى وتوهوكى ف لياليكى
الدنيا بتتغير وانتى كأن الظلم عشش فيكى
إديهم متلطخه بدماكى وقال ايه عايزيين يعلوكى
ومن جبنهم ومن جهلهم جُم عليكى بكّوكى وهدّوكى
بيلضموا الكبارى بالجسور عشان يوصلوا ليكى
وانا من مكانى هنا تتألمى تلاقينى حاسس بيكى
انا اللى خارج من شرايين حواريكى
بس انتى اطرقى بابى تلاقينى تحت اقدام رجليكى
شايل كفنى على ايديا بدور على حقوقك عشان ارضيكى
وتاج الحريه بزهور الجناين اجمعه واهديكى
مقدرش اشوف الخاين اللى عايز يإذيكى
ليه كل الكبار يجرحوا وانا الغلبان بعافرعشان اراعيكى
لو عشقوكى زيّى الملوك كانوا بعشقهم قوكى
راضيين بحكم الزمن فينا لكن اعداء الوطن ظلموكى
المستقبل ليه اساس واساس الحضارات فيكى
على حلمى الجميل فى مصرنا بفتح فى كل صباح شبابيكى
ولو سرقوا العمر منى  ابنى من بعدى يكمل المشوار يحميكى