شعبى ثاير

شعبى ثاير فى طلعته زى يوم العيد

حالف ليفرض كلمته للظلم هيبيد هيبيد

وثروة بلدنا نخليها للغلابه تفيد

وكل مفترى ظالم هنقعده فى بيته لحساباته لازم يعيد

شعبنا خلاص شطب من حياته كلمة سكات

مهو عاش سنين طويله اللى يصبح فيه يبات
صبر صبر الانبيا وخلاص سيدنا ايوب مات
ركن اللى عدى من حياته واللى فات فات
دلوقتى شعبنا عايز يصلح حاله بحاله
شعبنا عايز ماله يرجع لاهله وعياله
وصاحبنا الكبير مفكر انها بقياله
عمال يكبر ثروته ويقسم فى البلد لعياله
لو عايز يتعظ يشوف صدام واللى جراله
وبن على هرب وساب وراه شعب عايز يحكمه رجاله
احنا الشعب طالع من شقوق الدار
عايزيين للقمة عيشنا منلقيش احتكار
عايزين فى مجلس امنتا نلاقى لينا انصار
عايزيين للتقدم والرقى نفتح فى الحياة دى الف مسار
واحنا شبابنا ما شا الله كله عزيمه وا صرار
للتغيير يكافح مهما طال المشوار
حكومنتا فيها العجب
اللى ظلم تديلوا بالكيلو والقنطار
واللى اتظلم يعينى يقولولو انت مخرب انت من الاشرار
من زمان قالوا الصحرا هنخليها خضرا
وامى سنين مستنيه طرحها وصبرا
اتريهم بيصحروا الصحرا
بعوها بقروش لشوية لصوص كلهم خبرا
خبرا فى النهب والسرقه وفى الاخر اهم بقوا عبرا
وانتى ياامى سنين مستنيه طرحها وصبرا

انا خارج مع ولادك مسلمين مسيحيين كلنا عيلتك

لاهنخرب ولا هنكسر خانه من خانتك
لازم ترجعى ام الدنيا يا مصر ودى مكانتك

قلنا نرحل

قلنا نرحل وجهزنا شنط الرحيل

شفنا قارب قال ده مركب ويشيل اتقل تقيل

يلا عدى واركب؛عشره,عشرين,خمسين

فى مركب يا دوب يشيل اتنين ملانين
ويلا كله يخلع اى حاجه فيها اسم مصر
يلا يلا دحنا داخلين على عصر غير العصر

سعتها نزلت دمعتى وافتكرت عبور النصر

والجنود شايله العلم بتكبر باسم مصر

وانا الحزين بعبر فى ليل اسود
بشيل من على هدومى احمر وابيض واسود
علم بلدى بقطعه بايدى ده كان يوم اسود

هتقول تانى ايه يا عم

هتقول شيلوها من القلب

ليه؟!دى لو كانت مخلفا كلب

كن قعد جنبها حارس يحفظها من النهب والسلب

بعدها طلع صبى القرصان
وقال جرى ايه يا جدعان
مش انتوا اللى سيبتوها وسديتوا الودان

مش انتوا اللى سيبتوها تان وتنادى

وكل واحد فيكوا راح فى وادى
ودلوقتى جايين تفتكروا نشيد بلادى

ااااه يانى اااااه يانى

انا اللى قاعد فى الجنب الاخرانى

اااه يا صبى قلبت عليا المواجع تانى

منا اللى فحبها فنجلت كل ودانى

وسمعت وفهمت واتكلمت

حبسونى,ربطونى,خنقونى لحد ما سلمت

وقلت اسافر معاكوا يمكن احقق حلمى اللى انا حلمت

وانا هنا صاحبكم اللى جنب الدفه قاعد

فى بلدى كان بينى وبين الشغل بعد باعد

بعد التخرج قلت للشغل مش محتاج مساعد

دنا امتياز والمرتبه عاليه طالع مشمر كل ساعد

دورت عالشغل فى كل شبر

زى اللى بيدور فى كومة اش على ابر

وسايط,تزوير,محسوبيه و غش

من غير ما افكر ملقتش حاجه لغلى تفش

لقيت نفسى بركب معاكوا يمكن اوصل وابدا اكون عش

كلنا بنحبك يا مصر

اللى عاطل واللى اتظلم واللى اتالم

احنا رايحيين بس راجعيين تانى وكلنا حب وامل.

وعلى المتضرر حرق نفسه بالجاز

وعلى المتضرر حرق نفسه بالجاز
يا للاسف على شعب سرق منه كل شئ ماله,ثرواته,علمه,عمله ومؤخرا دينه وايمانه حينما شاهدنا على جميع القنوات الا خباريه محاولة اربع اشخاص مصريين الانتحار بالحرق فمنهم من وقف امام مجلس الشعب واشعل النار فى نفسه بعد ان سكب البنزين على جسده وغيره بالاسكندريه وغيره و غيره. والاخر الدى شنق نفسه على كوبرى قصر النيل "لا حول ولا قوة الا بالله"
انتقلت الينا عدوى الانتحار من الخارج مع الفارق فى ان المنتحر فى بلاد الغرب ينتحر لانه يجد كل ما يتمناه فى هده الحياه ويفعل ما يحلو له وفى النهايه يمل من هده الحياه شديده الرفاهيه فتجده يصعد قمة جبل ويلقى بنفسه حتى يرى مادا سيحدث له بعد الموت.
اما فى بلادنا العربيه وفى مصر بالتحديد تجد المتحر الدى اتجه الى سلوك هدا الفعل قد اقدم عليه لاسباب قهريه مجحفه فمن هده الاسباب شباب لا يجد فرصة عمل وشباب لا يستطيع الزواج لاسباب ماديه ومنهم من فقد حريته فى التعبير والاختيار ومن المحزن اننا لا نجد ردود فعل قويه من الحكومه لحل مشاكل هؤلاء الشباب بل والعكس كانهم يقولون لنا (وعلى المتضرر حرق نفسه بالجاز) فحسبى الله ونعم الوكيل

هم و غم

افتح التيليفزيون عالاخبار هم
اسمع الراديو يزيد الغم
حوادث,كوارث,وحرقة دم
ابات احلم بالتغيير
نفسى كبير البلد عالبلد يغير
مخلاص كله باين من غير تشفير
اللى فالبلد بيبيع
واللى بيستورد الموت السريع
واللى بيشتكى مش لاقى حد له سميع
وفيه اللى نازل هد
واللى تعبان وحيله اتهد
والضلالى مش عايز يهتد
وفيه اللى باعو ضمايرهم
واللى قاعدين يقرقضوا فى ضوافرهم
مستنيين حد يجى ينشلهم
من الاوهام من الاحزان من بحر التشاؤم والحرمان
وانا كل يوم افتح التيليفزيون عالاخبار هم

اسمع الراديو يزيد الغم
حوادث,كوارث,وحرقة دم

الوحده

يارب وحدتى فى صمتى

ولا فى حانيتى لقامتى

الوحده صعبه والله صعبه
دى غربه صامته فى القلب عامده
للعمر تضنى للدنيا هم

الوحده لحظه..لحظه ولحظه

تمر عندى للمر.. مر

الوحده مسكانى.. بخيوطها مالكانى

حاولت اهرب.. تعصرنى عصر

حاولت اركب مع السعاده

 تخدنى هى لحاره سد

يا وحده حلى عنى وخلى

حزنك وهمك ..ليكى وغمك

خلينى ارجع للدنيا فارس
اعلى صوتى بشعرى وفنى

اعمل مدارس

هعلى قامتى وهشيل غمامتى

وارسم بايدى العمر وردى.

وشوش

وشوش

 
وشوش فى الزحمه فى الخنقه فى الازمه بس فرحانه
ووشوش بتعمل زحمه بتعمل خنقه بتعمل ازمه وعامله زعلانه
وشوش ظاهره اللى جواها ووشوش فى الشده فى العزه
 جواها  زى اللى براها ووشوش بتقول اللى على هواها
فى الشده تتمسكن وتدور عليى يرعاها
وفى العزه تتقلب بركان وتثور على اللى قواها
فى وش تلقاه لابس وش
فى الزحمه يشيل ويركب وش
وفى وش حالف ما يغش
يغير ويقلق..ينهزم يكسب لاكنه ميتبدلش
ويا كل وش بدعى ربى وربك
يحفظا من النفاق والغش.

تعالى نجالس الربيع

تعالى نجالس الربيع

تعالى يا حبيبتى نجالس الربيع
فهذه الزهره تفتحت حين نظرتى اليها
وزبلت حينما اعلنتى الرحيل
وهذا الغصن على وارتقى
حين راكى تتمايلين
ثم هوى حين وقفتى تتاملين
وهذه الزهره اخذت منك عطرها
وصفاء الوانها
فتعالى واجلسى هنا
فالخريف يستحى ان يمر امامكى
والشتاء من خلفك يمر متسلل
والصيف ان اشتد
دائما يشتاق طيب هواءكى

فتعالى يا حبيبتى فانتى الربيع

هقول يا مصرى

انا مش هقول يا احمد مش هقول يا عبد المسيح.
هقول يا مصرى والمصرى شخص فاهم مليح.
وكلامه كله صريح فى صريح.
ميحبش شعارات ولا كتر مديح.
يعنى لما يقول هلال و صليب.
يعنى اخوه يعنى محبه من غير تجريح.
يلا يا مصرى عود لاصلك وانسى اياك الشقاء.

دى الارض ارضك ..........ومحتاجه العطاء.

واوعى اللى جاى من بره ينسينا ايام الصفاء.
ده العدو مستنى غلطه يخش ييها يضيعنا ويسيل الدماء.
واوعوا تنسوا ان احنا عايشين على دار الفناء
.والحساب فى الاخره عند ربى فى دار البقاء